A NOSA RELACIÓN CO CLIENTE É:

100% PROFESIONAL

Estamos comprometidos en crear relacións profesionais pretas e duradeiras no tempo.

Temos un coñecemento profundo do Dereito e dos sistemas xurídicos nos que actuamos.

A nosa formación xurídica en diferentes países, as nosas competencias en diversas linguas e unha forte autoconciencia multi-cultural, fan que as nosas solucións sexan creativas e á medida das necesidades dos nosos clientes.

FIÚZA

O noso exercicio profesional fúndase en valores clásicos da avogacía.

Guíanos o respecto ao Código Deontolóxico da profesión, o cumprimento das regras do sistema xurídico e a creación dunha relación de confianza co cliente.

A nosa xestión é transparente de cara aos servizos que ofrecemos e aos honorarios que cobramos. Por iso temos servizos en áreas especializadas, reorientando ao cliente a outros profesionais naquelas cuestións que non son abarcadas polo noso despacho.

As nosas tarifas son públicas a través da páxina web.

CONEXIÓN

Os nosos clientes están en permanente comunicación connosco e poden seguir de cerca a evolución dos seus procesos.

Usamos diferentes canles de contacto: entrevistas persoais, videoconferencias, correo electrónico, teléfono ou mensaxería instantánea.

Gústanos traballar con novas tecnoloxías que faciliten comunicacións directas e fluídas.

Establecemos equipos de traballo ad hoc para cada situación

Contamos co compromiso de avogadas/os nas diferentes áreas do Dereito, así como doutras profesións, como economía, informática, arquitectura, medicina, etc.

O noso modelo fúndase na deslocalización, a comunicación fluída e o traballo en equipo eficiente e dinámico.

Temos convenios de colaboración con despachos de avogados radicados en diferentes países, especialmente europeos e latinoamericanos. Isto permítenos ofrecer servizos no país de orixe e de destino.

Incorporamos a nosa firma novos talentos

Tentamos captar nas Universidades dos países nos que traballamos a estudantes en prácticas con potencial para converterse en excelentes profesionais do Dereito.

Propoñemos convenios de I+D+i con Universidades e outros organismos de investigación

Cando se require, profesores e investigadores universitarios expertos apoian o noso traballo garantindo respostas 100% fiables, aínda nos problemas xurídicos máis complexos.

As nosas oficinas en Vigo e en Ourense son apostas estratéxicas

A nosa oficina en Vigo, ao carón da Cidade da Xustiza, axiliza e facilita calquera trámite. En Ourense, para que non perdas tempo, atoparasnos no Km 10 da Estrada OU-504 (Ribadavia - O Carballiño).

Somos respectuosos co medio ambiente

Investimos continuamente na redución do uso do papel, tendo como obxectivo a dixitalización completa. Imprimimos só cando é absolutamente indispensable e, cando o facemos, utilizamos papel 100% ecolóxico e reciclado. Seguimos criterios de eficiencia enerxética.